ഈ രാറ്റുപേട്ട:: ടെമ്പോ ട്രാവലര്‍ നിയന്ത്രണംവിട്ട് മറിഞ്ഞ് അഞ്ച് പേര്‍ക്ക് പരിക്കേറ്റു. ആലപ്പുഴ വണ്ടാനം മെഡിക്കല്‍ കോളേജിലെ വിദ്യാര്‍ത്ഥികളായ ജിതുമോള്‍ (21), കാവ്യ (20), ലക്ഷ്മി എസ്.ജെ. (21), ലക്ഷ്മി ബി നായിക് (21) ബ്യൂട്ടി പ്രസാദ് (23) എന്നിവര്‍ക്കാണ് പരിക്കേറ്റത്.
ശനിയാഴ്ച വൈകിട്ട് അഞ്ച് മണിയോടെ മങ്കൊമ്പ് ക്ഷേത്രത്തിന് സമീപത്തെ കണ്ടത്തില്‍ വളവിലായിരുന്നു അപകടമുണ്ടായത്. കോളേജില്‍ നിന്നുള്ള 17 അംഗ സംഘം ഇല്ലിക്കല്‍കല്ല് സന്ദര്‍ശിച്ച് മടങ്ങുകയായിരുന്നു. നിയന്ത്രണംവിട്ടെ വാഹനം റോഡിന്റെ സംരക്ഷണഭിത്തി തകര്‍ത്ത് താഴേയ്ക്ക് പതിക്കുകയായിരുന്നു. കൊടുംവളവ് തിരിഞ്ഞെത്തിയ വാഹനത്തിന്റെ നിയന്ത്രണം നഷ്ടമാവുകയായിരുന്നു.