സിഡ്‌നി: ഇംഗ്ലണ്ട് പര്യടനത്തിനൊരുങ്ങുന്ന ആസ്‌ത്രേലിയന്‍ ക്രിക്കറ്റ് ടീമിന് പരുക്ക് തലവേദനയാകുന്നു. തോളിനേറ്റ പരുക്കിനെ തുടര്‍ന്ന് പേസര്‍ ജോഷ് ഹാസ്‌ലെവുഡാണ് അവസാനമായി പിന്‍മാറിയത്. ഹാസ്‌ലെവുഡിന് പകരം ക്വീന്‍സ്‌ലന്‍ഡ് സീമര്‍ മിച്ചല്‍ നീസറിനെ ഓസീസ് ടീമില്‍ ഉള്‍പ്പെടുത്തി. നേരത്തെ മറ്റ് പേസര്‍മാരായ പാറ്റ് കമ്മിന്‍സ്, മിച്ചല്‍ സ്റ്റാര്‍ക്ക് എന്നിവരും പരുക്കിനെ തുടര്‍ന്ന് പുറത്തായിരുന്നു. മൂന്ന് പ്രധാന പേസര്‍മാരുടെ അഭാവം ഓസീസ് ടീമിന് തിരിച്ചടിയാകും. ഇംഗ്ലണ്ടില്‍ പരിമിത ഓവര്‍ ക്രിക്കറ്റാണ് ആസ്‌ത്രേലിയ കളിക്കുന്നത്.