കോവളം: വീട്ടുകാരുമായി പിണങ്ങി കിണറ്റില്‍ ചാടിയ യുവാവിനെ വിഴിഞ്ഞം ഫയര്‍ഫോഴ്‌സ് രക്ഷപ്പെടുത്തി.
വിഴിഞ്ഞം കോട്ടപ്പുറം തുല വിള കോളനിയില്‍ ഷൈജു(22) വിനെയാണ് രക്ഷപ്പെടുത്തിയത്. ഇന്നലെ രാത്രി ഏഴ് മണിയോടെ വീട്ടുകാരുമായി സംസാരിക്കുന്നതിനിടയില്‍ പിണങ്ങുകയും സമീപത്തെ 60 അടിയോളം താഴ്ചയുള്ള കിണറില്‍ എടുത്തു ചാടുകയുമായിരുന്നുവെന്ന് വിഴിഞ്ഞം പൊലിസ്പറഞ്ഞു. വീട്ടുകാര്‍ ഉടന്‍ വിവരംഅറിയിച്ചതിനെ തുടര്‍ന്ന് ഫയര്‍ഫോഴ്‌സെത്തി യുവാവിനെ കിണറ്റില്‍ നിന്ന് പുറത്തെടുത്തു.
സാരമായി പരുക്കേറ്റ ഷൈജുവിനെ ആംബുലന്‍സില്‍ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.