മലപ്പുറം: മൂല്യനിര്‍ണയ ക്യാംപിലേക്ക് അധ്യാപകരെ അയക്കാത്തതിന്റെ വിശദീകരണം നല്‍കാത്തതിനാല്‍ തടഞ്ഞുവച്ച മലപ്പുറം ഗവ. കോളജിലെ ആറാം സെമസ്റ്റര്‍ വിദ്യാര്‍ഥികളുടെ പരീക്ഷാ ഫലം പ്രസിദ്ധീകരിച്ചു.
അധ്യാപകരുടെ വീഴ്ചയുടെ പേരില്‍ വിദ്യാര്‍ഥികളുടെ തുടര്‍പഠന സാധ്യത ഇല്ലാതാക്കരുതെന്നാവശ്യപ്പെട്ട് യൂനിറ്റ് എം.എസ്.എഫ് ഭാരവാഹികള്‍ യൂനിവേഴ്‌സിറ്റി വൈസ് ചാന്‍സലര്‍ക്കു പരാതി നല്‍കിയിരുന്നു. മറ്റു സര്‍വകലാശാലകളില്‍ പി.ജി കോഴ്‌സുകളിലേക്ക് അഡ്മിഷന്‍ ആരംഭിച്ച സാഹചര്യത്തില്‍ വിദ്യാര്‍ഥികള്‍ നേരിടുന്ന ബുദ്ധിമുട്ട് വൈസ് ചാന്‍സലറെ ബോധ്യപ്പെടുത്തി. തുടര്‍ന്നാണ് ഫലം പ്രസിദ്ധീകരിച്ചത്.