ജറുസലേം: ഗസ്സ മുനമ്പില്‍ ഇസ്‌റാഈല്‍ ഏര്‍പ്പെടുത്തിയ ഉപരോധം പൊട്ടിച്ചെറിഞ്ഞ് ഫലസ്തീനികളുടെ ബോട്ടുകള്‍. പരുക്കേറ്റവരെയും കൊണ്ട് ഉപരോധ മേഖല കടന്ന ബോട്ടുകളെ ഇസ്‌റാഈല്‍ പിടികൂടുകയും ചെയ്തു.

25 ഫലസ്തീനികളുമായി ഇസ്‌റാഈല്‍ തുറമുഖമായ അഷ്‌ദോദിലേക്കാണ് ബോട്ടുകള്‍ നീങ്ങിയത്. ഇസ്‌റാഈല്‍ ഏര്‍പ്പെടുത്തിയ ഉപരോധം മറികടക്കാന്‍ ഇവര്‍ ശ്രമിച്ചെങ്കിലും തടയുകയായിരുന്നു.

പത്തു വര്‍ഷത്തിലേറെയായി തുടരുന്ന ഉപരോധം ഇതാദ്യമായാണ് ഫലസ്തീനികള്‍ മറികടക്കാന്‍ ശ്രമിച്ചത്. ദക്ഷിണ സൈപ്രസ് തീരനഗരമായ ലിമാസോള്‍ ലക്ഷ്യമിട്ടാണ് ബോട്ടുകള്‍ നീങ്ങിയത്. ഫലസ്തീന്‍ കൊടികള്‍ കെട്ടിയാണ് ബോട്ടുകള്‍ കൂട്ടത്തോടെ പുറപ്പെട്ടത്.