കൂത്തുപറമ്പ്: ചെറുവാഞ്ചേരിയില്‍ പെട്രോള്‍പമ്പില്‍ തീപിടിത്തം. ജീവനക്കാരുടെ സന്ദര്‍ഭോചിതമായ ഇടപെടല്‍ കാരണം വന്‍ദുരന്തം ഒഴിവായി.
ഇന്നലെ രാവിലെ 11.15 ഓടെയാണ് ചെറുവാഞ്ചേരി ടൗണിന് സമീപം പാനൂര്‍ റോഡില്‍ പ്രവര്‍ത്തിക്കുന്ന വെല്‍കെയര്‍ ഫ്യൂവല്‍സില്‍ തീപിടിത്തമുണ്ടായത്.
പെട്രോള്‍ പമ്പിന്റെ ഓഫിസിനോട് ചേര്‍ന്ന ഇലക്ട്രിക്കല്‍ റൂമിലാണ് തീപിടിത്തമുണ്ടായത്. വിവരമറിഞ്ഞ് കൂത്തുപറമ്പില്‍നിന്ന് ഫയര്‍ഫോഴ്‌സ് എത്തുമ്പോഴേക്കും ജീവനക്കാര്‍ തീ നിയന്ത്രണ വിധേയമാക്കുകയും ജനറേറ്റര്‍ ഓഫാക്കുകയും ചെയ്തിരുന്നു. ഇതിനു പിന്നാലെ എത്തിയ രണ്ട് യൂനിറ്റ് ഫയര്‍ ഫോഴ്‌സ് തീ പൂര്‍ണമായും അണച്ചു.