കോട്ടയം: കെവിന്‍ കൊലക്കേസില്‍ മൂന്ന് പ്രതികള്‍കൂടി അറസ്റ്റില്‍. നിഷാദ്, ഷെഫിന്‍ എന്നിവരാണ് പിടിയിലായത്. ഏറ്റുമാനൂര്‍ കോടതിയില്‍ കീഴടങ്ങാനെത്തിയപ്പോഴാണ് ഇവരെ പൊലിസ് അറസ്റ്റ് ചെയ്തത് .ഒരാള്‍ പീരുമേട് കോടതിയില്‍ കീഴടങ്ങുകയായിരുന്നു.

രണ്ട് പൊലിസുകാരുള്‍പ്പടെ 14 പ്രതികളാണ് ആകെയുള്ളത്. ഇതില്‍ ഒമ്പത് പ്രതികളാണ് നിലവില്‍ പിടിയിലായിരിക്കുന്നത്.

സസ്‌പെന്‍ഷനിലായ എ.എസ്.ഐ ബിജുവും പട്രോള്‍ സംഘത്തിലെ ഡ്രൈവറും നേരത്തെ അറസ്റ്റിലായിരുന്നു.

കേസില്‍ മുഖ്യപ്രതിയായ സാനുചാക്കോ, പിതാവ് ചാക്കോ പുനലൂര്‍ സ്വദേശി മനു എന്നിവരെ പൊലിസ് ചോദ്യം ചെയ്യുകയാണ്. ഇവരെ ഇന്ന് മജിസ്‌ട്രേറ്റിനു മുന്നില്‍ ഹാജരാക്കും.

അതിനിടെ കെവിനെ തട്ടിക്കൊണ്ടുപോകാന്‍ ഉപയോഗിച്ച മൂന്നുവാഹനം പൊലിസ് കണ്ടെടുത്തു. സാനുവിന്റെ കാറും മറ്റൊരു പ്രതിയായ ടിറ്റുവിന്റെ കാറും മറ്റൊരു കാറുമാണ് കണ്ടെത്തിയത്.