കൊടുവള്ളി: പറമ്പത്ത്കാവ് എ.എം.എല്‍.പി സ്‌കൂളില്‍ ചെറിയ പെരുന്നാളിനോടനുബന്ധിച്ചു മൈലാഞ്ചിയിടല്‍ മത്സരം സംഘടിപ്പിച്ചു.
ടി. ഷബീന ബീവി, കെ. റസീന, പി.കെ നജ്മത്ത്, കെ. സബീന നേതൃത്വം നല്‍കി. ഫാത്തിമ ഷഹ്‌ല, സി.കെ ലെന മെഹ്‌റീന്‍, എ.വി ഫാത്തിമ ഫര്‍ഹാന, ദില്‍ന, വി.വി ആയിശ തമന്ന, കെ. ആയിശ ഹമീദ്, ആര്‍.വി ഫിദ ഫാത്തിമ വിജയികളായി.
മുക്കത്ത് എസ്.കെ പാര്‍ക്കിന് സമീപം റോഡ് പൂര്‍ണമായി തകര്‍ന്നു
മുക്കം: അങ്ങാടിയുടെ തിരക്കേറിയ ഭാഗമായ എസ്.കെ പാര്‍ക്ക് ജങ്ഷനില്‍ ബസ്സ്റ്റാന്‍ഡിലേക്കു പ്രവേശിക്കുന്ന റോഡുഭാഗം പാടേ തകര്‍ന്നു കുണ്ടും കുഴിയുമായതു നാട്ടുകാര്‍ക്കു ദുരിതമായി. റോഡ് ഭാഗങ്ങള്‍ തകര്‍ന്നിട്ട് ഏറെനാളായി.
മഴ ശക്തിപ്പെട്ടതോടെ ടാറിങ് അടര്‍ന്നു കൂടുതല്‍ പൊട്ടിപ്പൊളിയുന്ന സ്ഥിതിയാണ്. വാഹനയാത്രയും കാല്‍നടയും ഏറെ ദുഷ്‌ക്കരമായിത്തീര്‍ന്ന ഈ ഭാഗത്തു ഗതാഗതക്കുരുക്ക് രൂക്ഷമാണ്. വെള്ളക്കെട്ടായ കുഴികളില്‍ കയറിയിറങ്ങുന്ന വാഹനങ്ങള്‍മൂലം വ്യാപാര സ്ഥാപനങ്ങളിലേക്കു ചെളിവെള്ളം തെറിക്കുന്നതായും പരാതി ഉയര്‍ന്നിട്ടുണ്ട്.