പുല്‍പ്പള്ളി: ആരോഗ്യ വകുപ്പ് ജീവനക്കാര്‍ക്ക് ഭക്ഷണം വാങ്ങാന്‍ ടൗണിലിറങ്ങിയ യുവാവിന് പൊലിസ് മര്‍ദനത്തില്‍ പരുക്ക്. ഗുരുതര പരുക്കേറ്റ ലക്‌സ് ഇന്‍ റിസോര്‍ട്ടിലെ ജീവനക്കാരന്‍ രഞ്ജിത് ദാസിനെ പുല്‍പ്പള്ളി സി.എച്ച്.സിയില്‍ പ്രവേശിപ്പിച്ചു. 

വ്യാഴാഴ്ച വൈകുന്നേരത്തോടെ റിസോര്‍ട്ടില്‍ താമസിക്കുന്ന ആരോഗ്യവകുപ്പ് ജീവനക്കാര്‍ക്ക് ഭക്ഷണസാധനങ്ങള്‍ വാങ്ങാന്‍ ടൗണിലെത്തിയതായിരുന്നു രഞ്ജിത്.

എന്നാല്‍ വിവരങ്ങള്‍ ചോദിക്കാന്‍ പോലും തയാറാവാതെ പൊലിസ് വളഞ്ഞിട്ട് മര്‍ദിക്കുകയായിരുന്നു. ശരീരമാസകലം രഞ്ജിത്തിന് പരുക്കേറ്റിട്ടുണ്ട്. ആള്‍ക്കൂട്ടം ഒഴിവാക്കാനായി ലാത്തി വീശേണ്ടി വന്നപ്പോള്‍ രഞ്ജിത്ത് അതില്‍ ഉള്‍പ്പെട്ടതായിരിക്കാമെന്നാണ് പൊലിസ് പറയുന്നത്.