ഹിദായ നഗര്‍: ദാറുല്‍ഹുദാ ഇസ്‌ലാമിക് സര്‍വകലാശാലയിലെയും ഇതര യു.ജി കോളജുകളിലേയും സെക്കന്‍ഡറി ഒന്നാം വര്‍ഷത്തിലേക്ക് അഞ്ച് വരെ അപേക്ഷിക്കാം. സമസ്തയുടെ അഞ്ചാം ക്ലാസ് പൊതുപരീക്ഷ പാസായവരും ജൂണ്‍ അഞ്ചിന് പതിനൊന്നര വയസ് കവിയാത്തവരുമായ ആണ്‍കുട്ടികള്‍ക്കാണ് സെക്കന്‍ഡറിയിലേക്ക് അപേക്ഷിക്കാന്‍ അവസരം.
സമസ്തയുടെ ഏഴാം ക്ലാസ് പാസായവരും ജൂണ്‍ അഞ്ചിന് പതിമൂന്നര വയസ് കവിയാത്തവരുമായ പെണ്‍കുട്ടികള്‍ക്ക് ദാറുല്‍ഹുദായുടെ ഫാഥിമാ സഹ്‌റാ ഇസ്‌ലാമിക് വനിതാ കോളജിലേക്കും മദ്‌റസാ മൂന്നാം ക്ലാസ് പാസായ ജൂണ്‍ അഞ്ചിന് ഒന്‍പത് വയസ് കവിയാത്ത ആണ്‍കുട്ടികള്‍ക്ക് വാഴ്‌സിറ്റിക്കു കീഴിലുള്ള മമ്പുറം സയ്യിദ് അലവി മൌലദ്ദവീല ഹിഫഌല്‍ ഖുര്‍ആന്‍ കോളജിലേക്കും അപേക്ഷിക്കാം.
സെക്കന്‍ഡറി (അഞ്ച് വര്‍ഷം), സീനിയര്‍ സെക്കന്‍ഡറി (രണ്ട് വര്‍ഷം), ഡിഗ്രി (ആറ് സെമസ്റ്റര്‍), പിജി (നാല് സെമസ്റ്റര്‍) എന്നിങ്ങനെ പന്ത്രണ്ട് വര്‍ഷത്തെ കോഴ്‌സാണ് ദാറുല്‍ഹുദാ വിഭാവനം ചെയ്യുന്നത്.
വാഴ്‌സിറ്റിയുടെ ഔദ്യോഗിക വെബ്‌സൈറ്റി (ംംം.റവശൗ.ശി) ലൂടെ ഓണ്‍ലൈനായാണ് അപേക്ഷിക്കേണ്ടത്. പ്രവേശന പരീക്ഷ 23ന് വിവിധ കേന്ദ്രങ്ങളില്‍ നടക്കും. ഫോണ്‍: 04942463155, 2464502, 2460575.