ന്യൂഡല്‍ഹി: കഴിഞ്ഞ 24 മണിക്കൂറിനുള്ളില്‍ രാജ്യത്ത് കൊവിഡ് സ്ഥിരീകരിച്ചത് 149 പേര്‍ക്ക്. കേന്ദ്ര ആരോഗ്യമന്ത്രാലയം പുറത്തുവിട്ട കണക്കുപ്രകാരം ഇപ്പോള്‍ 873 പേരാണ് കൊവിഡ് ബാധിച്ച് ഇന്ത്യയില്‍ ചികിത്സയില്‍ കഴിയുന്നത്. 19 പേര്‍ ഇതിനോടകം മരിച്ചു.

മഹാരാഷ്ട്ര-4, ഗുജറാത്ത്-3, കര്‍ണാടക-2 മധ്യപ്രദേശ്, തമിഴ്നാട് ബിഹാര്‍, പഞ്ചാബ്, ഡല്‍ഹി, പശ്ചിമബംഗാള്‍, ജമ്മു കശ്മീര്‍ ഹിമാചല്‍ പ്രദേശ് എന്നിവിടങ്ങളിലായി ഒരോ മരണവുമാണ് റിപ്പോര്‍ട്ട് ചെയ്തിട്ടുള്ളത്.

കൊവിഡ് ബാധിച്ച് വെള്ളിയാഴ്ച്ച കര്‍ണാടകയില്‍ ഒരാള്‍ കൂടി മരിച്ചതോടെയാണ് രാജ്യത്ത് മരണസംഖ്യ 19 ആയി ഉയര്‍ന്നത്.

കേരളത്തില്‍ കൊവിഡ് ബാധിതരുടെ എണ്ണത്തില്‍ വലിയ വര്‍ധനവാണ് ഉണ്ടായിരിക്കുന്നത്. എന്നാല്‍ ഇതുവരെയും മരണം റിപ്പോര്‍ട്ട് ചെയ്തിട്ടില്ല. നിലവില്‍ ഏറ്റവും കൂടുതല്‍ കൊവിഡ് കേസുകള്‍ റിപ്പോര്‍ട്ട് ചെയ്തിരിക്കുന്നത് കേരളത്തിലാണ്.

ഒരു വാക്‌സിന്‍ ഇപ്പോഴത്തെ സാഹചര്യത്തില്‍ 12 മുതല്‍ 18 മാസം വരെ അകലെയാണ്. അതിനാല്‍ തന്നെ കൊവിഡ് എന്ന മഹാമാരിയ്‌ക്കെതിരെ പോരാടുന്നതിന് രാജ്യങ്ങളെ ഒന്നിപ്പിക്കാന്‍ ലോകാരോഗ്യ സംഘടന ആഹ്വാനം ചെയ്തു.