ജൊഹന്നസ്ബര്‍ഗ്: കത്‌റാദയുടെ സംസ്‌കാര ചടങ്ങില്‍ പ്രസിഡന്റ് ജേക്കബ് സുമയുടെ അസാന്നിധ്യം ചര്‍ച്ചാവിഷയമായി. ഭരണപാര്‍ട്ടിയായ ആഫ്രിക്കന്‍ നാഷനല്‍ കോണ്‍ഗ്രസ് പാര്‍ട്ടി അംഗമായ കത്‌റാദ നേതാക്കന്‍മാരുടെ അഴിമതിക്കെതിരേ പ്രതികരിച്ചിരുന്നു. സുമയും കത്‌റാദയും ഇക്കാര്യത്തില്‍ ഏറ്റുമുട്ടിയിരുന്നു. അദ്ദേഹം സുമയോട് രാജിവയ്ക്കാന്‍ ആവശ്യപ്പെട്ട് കത്തയക്കുകയും ചെയ്തിരുന്നു. ഇതാണ് സുമയെ ചടങ്ങില്‍ നിന്ന് വിട്ടുനില്‍ക്കാന്‍ പ്രേരിപ്പിച്ചതെന്നാണ് ആക്ഷേപം.