ഉദുമ: വീടിനോടു ചേര്‍ന്നു പ്രവര്‍ത്തിക്കുന്ന കടമുറിയില്‍ നിന്നു നിരോധിത പാന്‍ ഉല്‍പന്നങ്ങള്‍ പിടികൂടി. ഉദുമ കോട്ടക്കുന്നിലെ ഒരു കടയില്‍ നിന്നാണ് ബേക്കല്‍ പൊലിസ് പാന്‍ ഉല്‍പന്നങ്ങളുടെ വന്‍ ശേഖരം പിടിച്ചെടുത്തത്. ഇന്നലെ രാവിലെ പത്തോടെയാണ് ബേക്കല്‍ എ.എസ്.ഐ വിശ്വനാഥന്റെ നേതൃത്വത്തില്‍ പൊലിസ് സംഘം ഇവിടെ പരിശോധന നടത്തിയത്.
മൂവായിരം പാക്കറ്റിലധികം വരുന്ന പാന്‍ ഉല്‍പന്നങ്ങളാണ് ഇവിടെ നിന്നു പിടിച്ചെടുത്തത്.പരിശോധന സംഘത്തില്‍ ഉമേഷ്, മനോജ്, സിവില്‍ പൊലിസ് സീനിയര്‍ ഓഫിസര്‍ സുബാഷ്, പ്രകാശന്‍, ഗിരീഷ് എന്നിവരും പരിശോധനയില്‍ പങ്കെടുത്തു. സംഭവത്തില്‍ കോട്ടക്കുന്ന് സ്വദേശി മഹമൂദിന്റെ പേരില്‍ പൊലിസ് കേസെടുത്തു.