ദോഹ: വടകര മണ്ഡലം കെ.എം.സി.സി നിര്‍ധനരായ രോഗികള്‍ക്ക് നല്‍കുന്ന മാസാന്ത സഹായ പദ്ധതിയായ അല്‍ഖിദ്മയുടെ സമ്മേളനം കുറ്റ്യാടി എം.എല്‍.എയും മുസ്്‌ലിം ലീഗ് കോഴിക്കോട് ജില്ലാ ട്രഷററുമായ പാറക്കല്‍ അബ്ദുല്ല ഉദ്ഘാടനം നിര്‍വഹിച്ചു. അഴീക്കോട് എം.എല്‍.എ കെ.എം ഷാജി മുഖ്യപ്രഭാഷണം നടത്തി. നേതാക്കള്‍ക്കുള്ള വടകര മണ്ഡലത്തിന്റെ സ്‌നേഹോപഹാരം അഫ്‌സല്‍ വടകരയും കെ.പി ഹാരിസും നല്‍കി. ചന്ദ്രിക മുന്‍ അസിസ്റ്റന്റ് എഡിറ്ററും എഴുത്തുകാരനുമായ കെ.പി കുഞ്ഞിമ്മൂസയെ കെ.എം.സി.സി സംസ്ഥാന ജനറല്‍ സെക്രട്ടറി അബ്ദുന്നാസര്‍ നാച്ചി ഷാള്‍ അണിയിച്ച് ആദരിച്ചു. കെ.എം.സി.സി മയ്യിത്ത് പരിപാലന കമ്മിറ്റി കണ്‍വീനര്‍മാരായ അലി വലകട്ട്, സി.പി ഷാനവാസ് എന്നിവര്‍ക്കുള്ള മൊമെന്റോ മണ്ഡലം ട്രഷറര്‍ ഹൈദര്‍ സെക്രട്ടറി മുസമ്മില്‍ എന്നിവര്‍ നല്‍കി.

കെ.എം.സി.സി സ്റ്റുഡന്റ്‌സ് വിങിന്റെ ഭാരവാഹികളായ മുഹമ്മദ് സനീഷ്, മുഹമ്മദ് അസ്ഹര്‍, ഫാത്തിമ തസ്‌നീം എന്നിവര്‍ക്ക് യാസീന്‍ വടകര, റയീസ് മടപ്പള്ളി, സഹദ് കാര്‍ത്തികപ്പള്ളി എന്നിവര്‍ മൊമെന്റോ നല്‍കി ആദരിച്ചു. കെ.എം.സി.സി കോഴിക്കോട് ജില്ലാ പ്രസിഡന്റ് അന്‍വര്‍ ബാബു അല്‍ഖിദ്മ പദ്ധതി വിശദീകരിച്ചു. പദ്ധതിയുടെ ഫണ്ട് ഉദ്ഘാടനം സവാദ് അഴിയൂരില്‍ നിന്ന് പാറക്കല്‍ അബ്ദുല്ലയും കെ.എം ഷാജിയും ഏറ്റുവാങ്ങി നിര്‍വഹിച്ചു. ചടങ്ങില്‍ ആശംസകള്‍നേര്‍ന്ന്് എസ്.എ.എം ബഷീര്‍, മമ്മു കെട്ടുങ്ങല്‍, കെ.പി കുഞ്ഞിമൂസ എന്നിവര്‍ സംസാരിച്ചു. ല, ഫുജൈറ കെ.എം.സി.സി സെക്രട്ടറി ബഷീര്‍ ഉളിയില്‍ ചടങ്ങില്‍ സംബന്ധിച്ചു. നൗഷാദ് വടകരയുടെ ഖിറാഅത്തോടെ ആരംഭിച്ച പരിപാടിയില്‍ നഈം അരീക്കോട് ഇ. അഹമ്മദ് അനുസ്മരണഗാനം ആലപിച്ചു. മണ്ഡലം പ്രസിഡന്റ് മഹ്മൂദ് രാരോത്ത് അധ്യക്ഷത വഹിച്ചു. സെക്രട്ടറി ഇ.വി ഇബ്രാഹിം സ്വാഗതവും സയ്യിദ് അഴിയൂര്‍ നന്ദിയും പറഞ്ഞു.