കാഞ്ചീപുരം: ചെന്നൈയ്ക്കടുത്ത് കത്തിക്കരിഞ്ഞ നിലയില്‍ പെണ്‍കുട്ടിയുടെ മൃതദേഹം കണ്ടെത്തി. കഴിഞ്ഞ ദിവസം വൈകിട്ടാണ് കാഞ്ചീപുരത്തിന് സമീപം പെണ്‍കുട്ടിയുടെ മൃതദേഹം കത്തിക്കരിഞ്ഞ നിലയില്‍ കണ്ടെത്തിയത്. മൃതദേഹം മലയാളിയുടേതാണെന്ന സംശയം ഉയര്‍ന്നിട്ടുണ്ട്. ഇതോടെ കേരളത്തില്‍ നിന്നും കാണാതായ ജെസ്‌നയുടെ തിരോധാനം അന്വേഷിക്കുന്ന പൊലിസ് സംഘം ചെന്നൈയിലേക്ക് തിരിച്ചു.തിരുച്ചിറപ്പള്ളി ചെങ്കല്‍പ്പേട്ടയിലെ പഴവേലയില്‍ നിന്നാണ് മൃതദേഹം കണ്ടെത്തിയത്. പല്ലില്‍ കമ്പിയിട്ട പെണ്‍ കുട്ടിയുടെ മൃതദേഹത്തിന് നാല് ദിവസത്തെ പഴക്കമുണ്ടെന്നാണ് വിവരം. ചെങ്കല്‍പേട്ട് ജനറല്‍ ആശുപത്രിയില്‍ സൂക്ഷിച്ചിരിക്കുന്ന മൃതദേഹം മുഖം തിരിച്ചറിയാനാവാത്ത വിധം കത്തിക്കരിഞ്ഞ നിലയിലാണ്.