ഉരുവച്ചാല്‍: നിര്‍ത്തിയിട്ട ലോറിക്കു പിറകില്‍ മറ്റൊരുലോറി ഇടിച്ചു. ബുധനാഴ്ച രാത്രി 10.30 ഓടെ ഉരുവച്ചാലിലാണ് അപകടം. തലശ്ശേരിയില്‍ നിന്നു മൈദ കയറ്റി ഉളിയിലേക്ക് പോവുന്ന മിനി ലോറി റോഡരികില്‍ നിര്‍ത്തിയപ്പോള്‍ പിറകെ എത്തിയ കണ്ടെയ്‌നര്‍ ലോറി പിറകില്‍ ഇടിക്കുകയായിരുന്നു. ലോറിയുടെ ഇടത് ഭാഗത്താണ് അപകടം നടന്നത്. ക്ലീനര്‍ ലോറിയുടെ മുകളിലായതിനാല്‍ അപകടത്തില്‍നിന്നും രക്ഷപ്പെട്ടു. സംഭവത്തില്‍ ലോറിയുടെ മുന്‍ഭാഗവും കണ്ടെയ്‌നര്‍ ലോറിയുടെ ഇടത് ഭാഗവും പൂര്‍ണമായും തകര്‍ന്നു. ഡ്രൈവര്‍ ഉറങ്ങിപ്പോയതായിരിക്കാം അപകടകാരണമെന്നാണ് പ്രാഥമിക നിഗമനം. മട്ടന്നൂര്‍ പൊലിസ് സ്ഥലത്തെത്തി.