കോട്ടയം: കെവിന്റേത് കൊലപാതകം തന്നെയെന്ന് പ്രത്യേക അന്വേഷണസംഘത്തലവന്‍ ഐ.ജി വിജയ് സാക്കറെ. ഇക്കാര്യത്തില്‍ അവ്യക്തത ഇല്ലെന്നും ഐ.ജി പറഞ്ഞു.

തെളിവെടുപ്പിന്റെ ഭാഗമായി കേസിലെ പ്രതികളെ ചാലിയേക്കരയില്‍ എത്തിച്ചപ്പോഴായിരുന്നു അദ്ദേഹത്തിന്റെ പ്രതികരണം. കെവിനെ മരിച്ച നിലയില്‍ കണ്ടെത്തിയത് ചാലിയേക്കരയിലെ ആറ്റില്‍ നിന്നായിരുന്നു.

റിയാസ് ,നിയാസ് ,വിഷ്ണു ,നിഷാദ് എന്നീ നാല് പ്രതികളെയാണ് തെളിവെടുപ്പിനെത്തിച്ചിരിക്കുന്നത്.

കെവിനെ റോഡില്‍ നിന്ന് താഴേക്ക് തള്ളിയിട്ടെന്ന് പ്രതികളായ നിയാസും റിയാസും വെളിപ്പെടുത്തി. കെവിന്‍ അവശനായിരുന്നുവെന്നും ഉരുണ്ട് താഴെപ്പോയെന്നും പ്രതികള്‍ പൊലിസിനോട് പറഞ്ഞു. 

അതിനിടെ കെവിനെ ആക്രമിക്കാനായി പ്രതികള്‍ ഉപയോഗിച്ച നാല് വാളുകള്‍ കണ്ടെത്തി. പ്രതി വിഷ്ണുവിന്‍റെ വീട്ടില്‍ നിന്നാണ് വാളുകള്‍ കണ്ടെത്തിയത്.