തിരുവനന്തപുരം: സൗജന്യഅരി ഇറക്കാന്‍ സി.ഐ.ടി.യു തൊഴിലാളികള്‍ കൂടുതല്‍ കൂലി ചോദിച്ചതിനെത്തുടര്‍ന്ന് അരി വാഹനത്തില്‍ കെട്ടിക്കിടക്കുന്നു. തിരുവനന്തപുരം നെടുമങ്ങാട് എന്‍.എഫ്.എസ്.എ ഗോഡൗണിലേക്ക് എറണാകുളം കാലടിയില്‍ നിന്നെത്തിച്ച റോഡാണ് ഗോഡൗണിന് പുറത്ത് കിടക്കുന്നത്.

മൂന്ന് ലോഡ് അരിയാണ് ഇറക്കാനാവാതെ കെട്ടിക്കിടക്കുന്നത്.സാധാരണ ഇറക്കുന്ന കൂലിയ്ക്ക് പുറമെ കൂലി ചോദിച്ചതാണ് തര്‍ക്കത്തിന് കാരണം. സാധാരണ നിലയില്‍ 300 രൂപയാണ് ഇറക്കുകൂലിയായി വാങ്ങുന്നത്. ഈ സ്ഥാനത്താണ് ഇവര്‍ 800 രൂപ ആവശ്യപ്പെടുന്നതെന്ന് ഡ്രൈവര്‍മാര്‍ ആരോപിക്കുന്നു. അധികൃതര്‍ ഇടപെട്ടിട്ടും ഇവര്‍ വഴങ്ങിയില്ല.

രാവിലെ പത്തുമണിയ്ക്ക് എത്തിയ ലോഡാണ് തര്‍ക്കം കാരണം വഴിയില്‍ കിടക്കുന്നത്.