ചൊക്ലി: ലോകകപ്പ് ഫുട്‌ബോള്‍ മത്സരത്തില്‍ മീഡിയ ആന്‍ഡ് കമ്മ്യൂനിക്കേഷന്‍ വിഭാഗത്തിലെ സേവനത്തിനായി കണ്ണൂര്‍ പെരിങ്ങത്തൂര്‍ സ്വദേശി പി.കെ നൗഷാദും. പെരിങ്ങത്തൂര്‍ എന്‍.എ.എം ഹയര്‍ സെക്കന്‍ഡറി സ്‌കൂളിലെ ഇംഗ്ലീഷ് അധ്യാപകനണ് പി.കെ നൗഷാദ്.
കഴിഞ്ഞ വര്‍ഷം ബ്രസീലിലും 2010ല്‍ ദക്ഷിണാഫ്രിക്കയിലും അരങ്ങേറിയ രണ്ട് ലോകകപ്പിലും പങ്കെടുത്ത നൗഷാദ് തുടര്‍ച്ചയായി ഇത് മൂന്നാം തവണയാണ് സേവനത്തിനായി തിരഞ്ഞെടുക്കപ്പെടുന്നത്.
കടുത്ത ഫുട്‌ബോള്‍ പ്രേമിയായ നൗഷാദിന് മൂന്നാം തവണയും ഈ സുവര്‍ണാവസരം ലഭിച്ചതിന്റെ സന്തോഷത്തിലാണ്. നിലവില്‍ ഐ.എസ്.എല്‍ ഓപറേഷന്‍ മാനേജര്‍ കൂടിയായ നൗഷാദ് സംഘാടന മികവ് കൊണ്ട് ശ്രദ്ധേയനാണ്. നാട്ടിലെ രാഷ്ട്രീയ സാമൂഹിക വിദ്യാഭ്യാസ രംഗങ്ങളിലും ജീവകാരുണ്യ പ്രവര്‍ത്തനങ്ങളിലും നിറ സാന്നിധ്യമാണ് ഈ യുവാവ്. ഈ മാസം 12ന് കൊച്ചിയില്‍ നിന്ന് ഖത്തര്‍ വഴി റഷ്യയിലേക്ക് നൗഷാദ് വിമാനം കയറും.