കോഴിക്കോട്: കഴിഞ്ഞ മാസം ജില്ലയില്‍ മയക്കുമരുന്ന് വേട്ടയിലും കേസുകളിലും വന്‍ വര്‍ധന. മെയ് മാസം 4.85 കിലോഗ്രാം കഞ്ചാവ് പിടിച്ച സ്ഥാനത്ത് 13.170 കിലോഗ്രാമാണ് ജൂണില്‍ പിടികൂടിയത്. ഇന്ത്യന്‍ നിര്‍മിത വിദേശമദ്യം, മാഹി മദ്യം തുടങ്ങിയവയുടെ കാര്യത്തിലും വര്‍ധനവുണ്ടായിട്ടുണ്ട്.
മെയ് മാസത്തില്‍ 652 റെയ്ഡുകളിലായി 165 കേസുകള്‍ രജിസ്റ്റര്‍ ചെയ്യുകയും 79 പേരെ അറസ്റ്റ് ചെയ്യുകയും ചെയ്തപ്പോള്‍ കഴിഞ്ഞ മാസം 621 റെയ്ഡുകളില്‍ 292 കേസുകളും 140 അറസ്റ്റും രേഖപ്പെടുത്തി. കഴിഞ്ഞ വര്‍ഷത്തെ ജൂണിലേക്കാള്‍ നൂറുശതമാനത്തിലേറെ വര്‍ധനവാണ് കേസുകളുടെ എണ്ണത്തിലും പിടികൂടിയ മയക്കുമരുന്നുകളുടെ അളവിലും ഇത്തവണയുണ്ടായതെന്നും ഡെപ്യൂട്ടി എക്‌സൈസ് കമ്മിഷണര്‍ പി.കെ സുരേഷ്‌കുമാര്‍ അറിയിച്ചു.