പെരുമണ്ണ: മാലിന്യം ഉറവിടങ്ങളില്‍ തന്നെ സംസ്‌കരിക്കുന്ന പദ്ധതി വീടുകള്‍തോറും നടപ്പാക്കുന്നതിന് ഊന്നല്‍ നല്‍കി ഒളവണ്ണയില്‍ 2016-2017 വര്‍ഷത്തെ വികസന സെമിനാര്‍ സംഘടിപ്പിച്ചു.
ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് കെ. തങ്കമണ്ണി അധ്യക്ഷനായി. വികസന സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ ഇ. രമണി, ജില്ലാ പഞ്ചായത്ത് അംഗം സി. ഉഷ, എ.പി ഹസീന, പുത്തലത്ത് റംല, കെ. സുഗതന്‍, കെ.കെ പ്രകാശന്‍, ടി.പി സുമ, മനോജ് പാലതൊടി, വി. അബ്ദുല്‍ സലാം സംസാരിച്ചു.