എടപ്പാള്‍: മാണൂര്‍ ഡെന്റല്‍ കോളജിന്റെ പത്താം വാര്‍ഷികത്തിന്റെ ഭാഗമായി നടത്തുന്ന ശാസ്ത്ര കായിക മാമാങ്കം എക്‌സോസിയാ ഡെന്റ്‌സ് വി.ടി.ബല്‍റാം എം.എല്‍.എ ഉദ്ഘാടനം ചെയ്തു. കോളജ് ചെയര്‍മാന്‍ സി.പി.ബാവഹാജി അധ്യക്ഷനായി. പ്രിന്‍സിപ്പാല്‍ ആര്‍.ബി.വിനോദ് കുമാര്‍,അഡ്വ.ഷിഹാബ് മേച്ചേരി,പ്രദീപ്,എ.വി.തൊയ്ബ്, ഷീന.എസ്.രാജ് സംസാരിച്ചു. കേരളത്തിനകത്തുനിന്നും പുറത്തു നിന്നുമായി മുപ്പതോളം ടീമുകള്‍ പങ്കെടുക്കുന്ന പരിപാടി നാളെ സമാപിക്കും. സമാപന സമ്മേളനത്തില്‍ സിനിമാ താരം രാജീവ് പിള്ളെ, ഫുഡ്‌ബോള്‍ താരം ആസിഫ് സഹീര്‍, ഷാഫി പറമ്പില്‍ എം.എല്‍.എ പങ്കെടുക്കും.