പെരുമണ്ണ: ഇ.എം.എസ് ഹയര്‍ സെക്കന്‍ഡറി സ്‌കൂളിന്റെ സമഗ്രപുരോഗതിക്കായി അക്ഷീണം പ്രയത്‌നിച്ച പ്രധാന അധ്യാപകന്‍ ജയപ്രകാശന്‍ മാസ്റ്റര്‍ക്ക് പെരുമണ്ണ പൗരാവലി യാത്രയപ്പ് നല്‍കി.
ഗ്രാമപഞ്ചായത്ത് പ്രസിഡന്റ് കെ.അജിത ഉദ്ഘാടനം ചെയ്തു. പി.ടി.എ പ്രസിഡന്റ് രാമകൃഷ്ണന്‍ മല്ലിശ്ശേരി അധ്യക്ഷനായി.
ജില്ലാ പഞ്ചായത്തംഗം സി.ഉഷ, ഗ്രാമപഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പെഴ്‌സന്‍ ഉഷാകുമാരി, പ്രേംകുമാര്‍ മാസ്റ്റര്‍ സംസാരിച്ചു.