തൊടുപുഴ: ബസ് യാത്രക്കിടെ പേഴ്‌സ് മോഷണം പോയതായി പരാതി. വണ്ണപ്പുറം - തൊടുപുഴ റൂട്ടില്‍ സര്‍വ്വീസ് നടത്തുന്ന ബിബിന്‍സ് ബസ്സില്‍ ഇന്നലെ രാവിലെ 11.40 ന് മുതലക്കോടത്തു നിന്നും കയറിയ യുവതി ബസ്സ്സ്റ്റാന്റില്‍ ഇറങ്ങിയപ്പോഴാണ് പേഴ്‌സ് നഷ്ടപ്പെട്ട വിവരം അറിയുന്നത്. 

സ്റ്റാന്‍ഡില്‍ ഡ്യൂട്ടിയിലുണ്ടായിരുന്ന പൊലിസ് ഉദ്യോഗസ്ഥരോട് യുവതി പേഴ്‌സ് നഷ്ടപ്പെട്ടകാര്യം പറഞ്ഞു. എ.ടി.എം കാര്‍ഡും 700 രൂപയുമാണ് പേഴ്‌സില്‍ ഉള്ളതെന്ന് യുവതി അറിയിച്ചു. പൊലിസ് അന്വേഷണം ആരംഭിച്ചു. മടക്കത്താനത്തു നിന്നും തൊടുപുഴയിലേക്കുള്ള യാത്ര മധ്യേ തൊമ്മന്‍കുത്ത് വെള്ളിലാംപരപ്പില്‍ ശോഭനയുടെ മൂന്ന് പവന്റെ സ്വര്‍ണാഭരണങ്ങള്‍ നഷ്ടപ്പെട്ടു. വീട്ടമ്മ തൊടുപുഴ പൊലിസില്‍ പരാതി നല്‍കി.