കുവൈത്ത്‌സിറ്റി: കുവൈത്തില്‍ 60 ഇന്ത്യക്കാര്‍ അടക്കം 77 പേര്‍ക്ക് കൂടി കൊവിഡ് സ്ഥിരീകരിച്ചു.ഇതോടെ രാജ്യത്ത് വൈറസ് ബാധ സ്ഥിരീകരിച്ചവരുടെ എണ്ണം 556 ആയതായി ആരോഗ്യ മന്ത്രി ഡോ. ബാസില്‍ അല്‍ സബാഹ് അറിയിച്ചു. രണ്ട് ഇന്ത്യക്കാര്‍ക്ക് ഏതുവഴിയാണ് രോഗം വന്നതെന്ന് കണ്ടെത്തിയിട്ടില്ല. ബാക്കിയുള്ളവര്‍
നേരത്തെ രോഗം സ്ഥിരീകരിച്ചവരുമായി സമ്പര്‍ക്കം പുലര്‍ത്തിയവരാണ്. ഇതുവരെ മൊത്തം 225 ഇന്ത്യക്കാര്‍ക്കാണ് കുവൈത്തില്‍ കൊറോണ ബാധിച്ചത്.കഴിഞ്ഞ ദിവസം മരിച്ചയാളും ഇന്ത്യക്കാരനായിരുന്നു.

ഞായറാഴ്ചത്തെ ആറുപേരടക്കം 99 പേര്‍ രോഗമുക്തരായി. ബാക്കി 456 പേരാണ് ചികിത്സയിലുള്ളത്.അതില്‍ 17 പേര്‍ തീവ്രപരിചരണ വിഭാഗത്തില്‍ ചികിത്സയിലാണെന്നും ഡോ.സബാഹ് പറഞ്ഞു.