തൊടുപുഴ: ജില്ലാ സൈക്ലിങ് അസോസിയേഷന്‍ ജില്ലാ സ്‌പോര്‍ട്‌സ് കൗണ്‍സിലിന്റെ സഹകരണത്തോടെ രണ്ട് മാസം നീണ്ടുനില്‍ക്കുന്ന സൈക്ലിങ് സമ്മര്‍ കോച്ചിങ് ക്യാംപ് സംഘടിപ്പിക്കും.
തൊടുപുഴ വെങ്ങല്ലൂര്‍ മുനിസിപ്പല്‍ യു.പി സ്‌കൂള്‍ ഗ്രൗണ്ടിലും ചേറ്റുകുഴി എം.ജി.എം പബ്ലിക് സ്‌കൂള്‍ ഗ്രൗണ്ടിലുമാണ് ക്യാംപ്.
അഞ്ചുമുതല്‍ 10വരെ ക്ലാസുകളില്‍ പഠിക്കുന്ന ആണ്‍കുട്ടികള്‍ക്കും പെണ്‍കുട്ടികള്‍ക്കും രാവിലെയും വൈകുന്നേരവും നടത്തുന്ന ക്യാംപില്‍ പങ്കെടുക്കാം. കേരള സ്‌പോര്‍ട്‌സ് കൗണ്‍സില്‍ കോച്ച് മെബിന്‍ ബിനോയി, ഇന്റര്‍നാഷണല്‍ സൈക്ലിങ് താരം കെസിയ വര്‍ഗീസ് എന്നിവര്‍ നേതൃത്വം നല്‍കും. തൊടുപുഴയില്‍ മൂന്നിന് വൈകിട്ട് നാലിനും ചേറ്റുകുഴിയില്‍ ഏഴിന് രാവിലെ 11നും ക്യാംപുകള്‍ ഉദ്ഘാടനം ചെയ്യും. താല്‍പര്യമുള്ളവര്‍ 9447173843എന്ന ഫോണ്‍ നമ്പരില്‍ ബന്ധപ്പെടുകയോ ഉദ്ഘാടന ദിവസം പാസ്‌പോര്‍ട്ട് സൈസ് ഫോട്ടോയും വയസ് തെളിയിക്കുന്ന സര്‍ട്ടിഫിക്കറ്റുമായി ക്യാംപ് സൈറ്റില്‍ എത്തുകയോ ചെയ്യണം.