പെരുമ്പിലാവ്: പോര്‍ക്കുളം പഞ്ചായത്ത് കുടുംബശ്രീ സി.ഡി.എസ് കമ്മിറ്റിയുടെ വായ്പാ വിതരണോദ്ഘാടനം വ്യവസായ കായിക യുവജന വകുപ്പ് മന്ത്രി എ.സി മൊയ്തീന്‍ നിര്‍വഹിച്ചു. പോര്‍ക്കുളം പഞ്ചായത്ത് കമ്മ്യൂണിറ്റി ഹാളില്‍ നടന്ന പരിപാടിയില്‍ പഞ്ചായത്ത് പ്രസിഡന്റ് ഓമനാ ബാബു അധ്യക്ഷയായി.
ചടങ്ങില്‍ പോര്‍ക്കുളം ഗ്രാമപഞ്ചായത്തിലെ കുടുംബശ്രീ സ്ത്രീകള്‍ക്ക് 'ജോലിയും വരുമാനവും' പദ്ധതിയുടെ ഭാഗമായി കാറ്ററിങ് സര്‍വിസ് പരിശീലന സര്‍ട്ടിഫിക്കറ്റ് വിതരണവും ഇന്‍ഷുറന്‍സ് പദ്ധതിയുടെ ഭാഗമായി കുടുംബശ്രീ അംഗങ്ങളുടെ മക്കള്‍ക്ക് സ്‌കോളര്‍ഷിപ്പ് വിതരണോദ്ഘാടനവും മന്ത്രി എ.സി മൊയ്തീന്‍ നിര്‍വഹിച്ചു. ചൊവ്വന്നൂര്‍ ബ്ലോക്ക് പഞ്ചായത്ത് പ്രസിഡന്റ് സുമതി മുഖ്യാതിഥിയായിരുന്നു. ജില്ലാ-മിഷന്‍ കോഡിനേറ്റര്‍ കെ.വി ജ്യോതിഷ് പദ്ധതി വിശദീകരിച്ചു. സെക്രട്ടറി ശശീധര്‍ പ്രൊജക്ട് റിപ്പോര്‍ട്ട് അവതരിപ്പിച്ചു.
കലാമണ്ഡലം കല്‍പ്പിത സര്‍ലകലാശാല അംഗം ടി.കെ വാസു, ജില്ലാ പഞ്ചായത്തംഗം കെ. ജയശങ്കര്‍, ബ്ലോക്ക് പഞ്ചായത്ത് അംഗങ്ങളായ കെ.എ ജ്യോതിഷ്, പി.കെ ദേവദാസ്, വൈസ് പ്രസിഡന്റ് കെ.എം നാരായണന്‍, കെ.എസ്.ബി.സി.ഡി.സി മാനേജര്‍ പി.എസ് വിനോദ്, പഞ്ചായത്ത് സ്ഥിരംസമിതി അംഗങ്ങാളായ ജിഷ ശശി, കെ. ശൈലജ, സീന വിത്സണ്‍, സെക്രട്ടറി ഇ. അശോക് കുമാര്‍, സി.ഡി.എസ് ചെയര്‍പേഴ്‌സന്‍ സിന്ധു ബാലന്‍, വൈസ് ചെയര്‍പേഴ്‌സന്‍ കൊച്ചന്ന സംസാരിച്ചു.