വെള്ളമുണ്ട: സമസ്ത കേരള ജംഇയ്യത്തുല്‍ മുഅല്ലിമീന്റെ പതിനാലാമത് ദ്വിദിന ജില്ലാ ഇസ്‌ലാമിക് കലാമേളക്ക് ഈസ്റ്റ് വെള്ളിലാടിയില്‍ തുടക്കമായി. ഇന്നലെ വൈകിട്ട് അഞ്ചിന് ജില്ലാ ജംഇയ്യത്തുല്‍ മുഅല്ലിമീന്‍ പ്രസിഡന്റ് എം.എം ഇമ്പിച്ചിക്കോയ മുസ്‌ലിയാര്‍ പതാക ഉയര്‍ത്തി. സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം ചെയ്തു. എസ്.എം.എഫ് ജില്ലാ പ്രസിഡന്റ് പിണങ്ങോട് അബൂബക്കര്‍, എസ്.വൈ.എസ് ജില്ലാ വൈസ് പ്രസിഡന്റ് ഹാരിസ് ബാഖവി കമ്പളക്കാട്, സമസ്ത താലൂക്ക് പ്രസിഡന്റ് ഇബ്‌റാഹിം ഫൈസി വാളാട്, കാഞ്ഞായി ഉസ്മാന്‍, പൂവന്‍ കുഞ്ഞബ്ദുല്ല ഹാജി, കെ.സി മമ്മുട്ടി മുസ്‌ലിയാര്‍, മഹല്ല് പ്രസിഡന്റ് വാണിയേല്‍ അമ്മത്, കേളോത്ത് അബ്ദുല്ല, അബൂ സ്വാലിഹ് ബാഖവി, എം.സി ഉമര്‍ മൗലവി, ഉസ്മാന്‍ ഫൈസി, ജാഫര്‍ സഅദി, കെ.സി അബ്ദുല്ല മൗലവി, ഹംസ ദാരിമി, അബ്ദുല്‍ കരീം ബാഖവി, എന്‍.കെ സുലൈമാന്‍ മൗലവി, അബ്ദുല്ല ഫൈസി, എ അശ്‌റഫ് ഫൈസി, എം.കെ ഇബ്രാഹിം മൗലവി എന്നിവര്‍ സംബന്ധിച്ചു. മദ്‌റസാ, റെയ്ഞ്ച് തലങ്ങളില്‍ മാറ്റുരച്ച് പ്രതിഭ തെളിയിച്ച 750 വിദ്യാര്‍ഥികള്‍ അന്‍പതിലധികം ഇനങ്ങളിലായി വിവിധ വേദികളായി മാറ്റുരക്കും.