മട്ടാഞ്ചേരി: കൊവിഡ് ആരോഗ്യ പ്രവര്‍ത്തകര്‍ക്കായി ദക്ഷിണ നാവികസേന ത്രീഡി മുഖാവരണ കവചമൊരുക്കി. നാവികസേന എയര്‍ ക്രാഫ്റ്റ് യാര്‍ഡാണ് പ്രത്യേക സജ്ജീകരണങ്ങളുമായി മുഖകവചമൊരുക്കിയത്. നാവിക സേനയുടെ സഞ്ജീവനി ആശുപത്രി അംഗീകാരത്തോടെ ഫോട്ടോ ടൈപ്പ് രീതിയില്‍ ഷീല്‍ഡ് രൂപത്തിലാണ് മുഖ കവചങ്ങള്‍ തയാറാക്കിയത്.കൊവിഡ് രോഗപ്രതിരോധ പ്രവര്‍ത്തനവുമായി ദക്ഷിണ നാവികസേന തയാറാക്കിയ കൈകഴുകല്‍ യുനിറ്റ് ജില്ലാ ഭരണകൂടത്തിന് കൈമാറി. കൊച്ചിയിലെ നേവല്‍ ഷിപ്പ് റിപ്പയര്‍ യാര്‍ഡാണ് ഹാന്റ് സാനിറ്റൈസിങ് യുനിറ്റുകള്‍ തയാറാക്കിയത്. ആദ്യഘട്ടമായി ഏട്ട് യൂനിറ്റുകള്‍ ജില്ലാ കലക്ടര്‍ക്ക് കൈമാറി. ഇത്തരത്തിലുള്ള 30 യു നിറ്റുകള്‍ ജില്ലാ ഭരണകൂടം നാവിക സേനയോട് ആവശ്യപ്പെട്ടിട്ടുണ്ട്.