മലപ്പുറം: എടപ്പാള്‍ പീഡന വിവരം ചൈല്‍ഡ് ലൈനെ അറിയിച്ച തിയറ്റര്‍ ഉടമയെ അറസ്റ്റ് ചെയ്ത ഡി.വൈ.എസ്.പി ഷാജി വര്‍ഗീസിനെതിരെ നടപടി. ചുമതലകളില്‍ നിന്നു മാറ്റിനിര്‍ത്തിയാണ് ആഭ്യന്തരവകുപ്പിന്റെ നടപടി. പുതിയ ചുമതലയൊന്നും നല്‍കിയിട്ടില്ല.

അതേസമയം, പീഡനക്കേസ് ക്രൈംബ്രാഞ്ചിന് കൈമാറാനും ഡി.ജി.പി ഉത്തരവിട്ടു.

തിയറ്റര്‍ ഉടമയെ അറസ്റ്റ് ചെയ്ത നടപടി വിവാദമാവുകയും പ്രതിപക്ഷം സഭയില്‍ നിന്ന് ഇറങ്ങിപ്പോവുകയും ചെയ്തതിന്റെ അടിസ്ഥാനത്തില്‍ ഡി.ജി.പി റിപ്പോര്‍ട്ട് ആവശ്യപ്പെട്ടിരുന്നു. തൃശൂര്‍ റെയിഞ്ച് ഐ.ജി എം.ആര്‍ അജിത്കുമാര്‍ നല്‍കിയ റിപ്പോര്‍ട്ട് പരിശോധിച്ചാണ് നടപടി. അദ്ദേഹത്തിനെതിരെ മറ്റ് നടപടിക്ക് സാധ്യതയില്ലെന്നും റിപ്പോര്‍ട്ടിലുണ്ട്.