ജറൂസലം: സ്വവര്‍ഗ ലൈംഗികതക്കെതിരെ ലഭിച്ച ശിക്ഷയാണ് കൊവിഡ് എന്ന് പറഞ്ഞ ഇസ്‌റാഈല്‍ ആരോഗ്യമന്ത്രി യാക്കോവ് ലിറ്റ്‌സ്മാന് വൈറസ് ബാധ സ്ഥിരീകരിച്ചു. ഇദിദ്ഹത്തിന്റെ ഭാര്യക്കും കൊവിഡ് സ്ഥിരീകരിച്ചിട്ടുണ്ട്. ഇതോടെ പ്രധാനമന്ത്രി ബെഞ്ചമിന്‍ നെതന്യാഹുവടക്കം രാജ്യത്തെ നേതാക്കന്‍മാരെല്ലാം ക്വാറന്റൈനില്‍ ആയിരിക്കുകയാണ്.

തന്റെ സഹായിക്ക് കൊവിഡ് സ്ഥിരീകരിച്ചതിന്റെ പേരില്‍ നേരത്തെ തന്നെ ക്വാറന്റൈന്‍ ആയിരുന്നു നെതന്യാഹു. നിരീക്ഷണ കലാവധി അവസാനിക്കാനിരിക്കെ അദ്ദേഹം വീണ്ടും ഏകാന്തവാസത്തിലായിരിക്കുകയാണ്.

കൊറോണ വൈറസിന്റെ വ്യാപനം സ്വവര്‍ഗ ലൈംഗികതക്കെതിരെയുള്ള ദൈവികമായ ശിക്ഷയാണ് എന്നായിരുന്നു ലിറ്റ്‌സ്മാന്റെ പക്ഷം. ഇത് ഏറെ വിമര്‍ശനങ്ങള്‍ വിളിച്ചു വരുത്തിയിരുന്നു. ലിറ്റ്‌സ്മാന്‍ സാമൂഹിക അകലം പാലിച്ചില്ലെന്നും എല്ലാ മീറ്റിങ്ങുകളിലും പങ്കെടുത്തെന്നും ടൈംസ് ഓഫ് ഇസ്‌റാഈല്‍ റിപ്പോര്‍ട്ട് ചെയ്യുന്നു.

കോവിഡിനെ പ്രതിരോധിക്കാന്‍ സാധിക്കാത്തതിനാല്‍ വലിയ വിമര്‍ശനങ്ങള്‍ക്ക് വിധേയമായ മന്ത്രിയാണ് യാക്കോവ് ലിറ്റ്‌സ്മാന്‍. ആരോഗ്യ മന്ത്രി പദവിയില്‍ നിന്ന് ലിറ്റ്‌സ്മാനെ മാറ്റണമെന്ന് പ്രധാനമന്ത്രി നെതന്യാഹുവിന് ഒരുപാട് നിവേദനങ്ങള്‍ വന്നിരുന്നു.