കോഴിക്കോട്: കോഴിക്കോട് കലക്ടറും എം.കെ രാഘവന്‍ എം.പിയുമായുള്ള തര്‍ക്കത്തില്‍ കലക്ടര്‍ എന്‍.പ്രശാന്ത് ക്ഷമ പറഞ്ഞു. തന്റെ ഫേസ്ബുക്ക്‌ പേജിലാണ് കലക്ടര്‍ ക്ഷമ ചോദിച്ചത്. എം.പിയെ അപമാനിക്കാന്‍ താന്‍ ആളല്ലെന്നും ആരെയും അറിഞ്ഞോ അറിയാതെയോ വേദനിക്കുകയോ വിഷമിപ്പിക്കുകയോ ചെയ്യരുതെന്നാണ് ആഗ്രഹം. തന്റെ ഭാഗത്ത് നിന്ന് എം.പിയുടെ മനസിനെ വിഷമം തോന്നിച്ച, തന്റെ ഭാഗത്ത് നിന്നുണ്ടായ എല്ലാത്തിനും നിരുപാധികം ക്ഷമ ചോദിക്കുന്നുവെന്ന് കലക്ടര്‍ ഫെയ്‌സ്ബുക്കില്‍ കുറിച്ചു.
ഔദ്യോഗിക കാര്യങ്ങള്‍ നിയമപരമായി തന്നെ മുന്നോട്ട് പോകേണ്ടതുണ്ട്. കാര്യങ്ങള്‍ നേരിട്ട് ബോധ്യപ്പെടുത്താന്‍ കഴിയുമെന്നാണ് തന്റെ വിശ്വാസമെന്നും കലക്ടര്‍ ഫെയ്‌സ്ബുക്കില്‍ കുറിച്ചു.