തൃക്കരിപ്പൂര്‍: പതിറ്റാണ്ടുകള്‍ക്ക് മുന്‍പ് മദ്‌റസാ ക്ലാസ് മുറിയില്‍ ചൊല്ലിപ്പഠിച്ച പാഠഭാഗങ്ങള്‍ ഇന്നലെ വീണ്ടും അവതരിപ്പിച്ചപ്പോള്‍ അനുസരണയുള്ള കുട്ടികളെ പോലെ പഴയ പഠിതാക്കള്‍ കേട്ടിരുന്നു. ജൂലൈ എട്ടിനു നടക്കുന്ന തൃക്കരിപ്പൂര്‍ മുനവിര്‍ വിദ്യാഭ്യാസ സമുച്ചയത്തിന്റെ ഉദ്ഘാടനത്തോടനുബന്ധിച്ചാണ് പഴയ ക്ലാസ് മുറികളും പഠന ഭാഗങ്ങളും പുനരാവിഷ്‌കരിച്ചത്. പൂര്‍വവിദ്യാര്‍ഥികളായ സ്ത്രീകളും പുരുഷന്മാരും പഠിതാക്കളായി എത്തി. ചടങ്ങില്‍ ഒ.ടി അഹമ്മദ് ഹാജി അധ്യക്ഷനായി. മുജീബ് അസ്ഹരി പുളിങ്ങോം ക്ലാസെടുത്തു. വി.പി.പി അസീം, കെ.പി സൈനുദ്ദീന്‍ ഹാജി, എം അബ്ദുറഹ്മാന്‍, എ.ജി.സി മുസ്തഫ ഹാജി, എന്‍.എ മജീദ്, ഒ.ടി ഖാദര്‍, എം.വി അഹമ്മദ്, കെ.വി.പി സാബിര്‍ സംസാരിച്ചു. ഓത്തു പള്ളി ഇന്ന് സമാപിക്കും.