കണ്ണൂര്‍: കണ്ണൂര്‍ സര്‍വകലാശാലാ 2018-19 അധ്യയന വര്‍ഷത്തെ ബിരുദ പ്രവേശനത്തിന്റെ ട്രയല്‍ അലോട്ട്‌മെന്റ് പ്രസിദ്ധീകരിച്ചു. അപേക്ഷകര്‍ക്ക് ലോഗിന്‍ ചെയ്ത് അലോട്ട്‌മെന്റ് വിവരങ്ങള്‍ അറിയാം.
36,325 അപേക്ഷകര്‍ ഓണ്‍ലൈനായി രജിസ്റ്റര്‍ ചെയ്തിട്ടുണ്ട്. ഓണ്‍ലൈനായി രജിസ്റ്റര്‍ ചെയ്തവര്‍ ഒരിക്കല്‍ കൂടി ലോഗിന്‍ ചെയ്ത് അപേക്ഷാഫോറത്തില്‍ തെറ്റൊന്നും ഇല്ലെന്ന് ഉറപ്പുവരുത്തണം.
അപേക്ഷയിലെ പിഴവുകള്‍ തിരുത്താനും ഓപ്ഷന്‍ മാറ്റാനും നാളെ വരെ അവസരമുണ്ട്.
ഇതിനായി അപേക്ഷയുടെ പ്രിന്റൗട്ടും പിഴവുകള്‍ തിരുത്താന്‍ ആവശ്യമായ രേഖകളും 200 രൂപയുടെ ചലാന്‍ രസീതും സര്‍വകലാശാലാ സിംഗിള്‍ വിന്‍ഡോ അഡ്മിഷന്‍ സെല്ലില്‍ സമര്‍പ്പിക്കണം. നാളെ കഴിഞ്ഞ് പിഴവുകള്‍ തിരുത്താന്‍ അവസരം ലഭിക്കില്ല. ഒന്ന്, രണ്ട്, മൂന്ന് അലോട്ട്‌മെന്റുറകള്‍ യഥാക്രമം ജൂണ്‍ 13, 20, 25 തിയതികളില്‍ നടക്കും. അലോട്ട്‌മെന്റ്് ലഭിച്ചവര്‍ നിശ്ചിത തിയതിക്കകം സര്‍വകലാശാലാ ഫീസ് എസ്.ബി.ഐ കലക്ട് മുഖേന അടയ്ക്കണം. ഫീസടക്കാത്ത പക്ഷം വിദ്യാര്‍ഥികള്‍ അലോട്ട്‌മെന്റില്‍ നിന്നു പുറത്താവും.
അലോട്ട്‌മെന്റ് ലഭിച്ച വിദ്യാര്‍ഥികള്‍ തങ്ങള്‍ക്കു ലഭിച്ച അലോട്ട്‌മെന്റി്ല്‍ സംതൃപ്തരാണെങ്കില്‍ ഓരോ അലോട്ട്‌മെന്റിനു ശേഷവും ഹയര്‍ ഓപ്ഷന്‍ റദ്ദാക്കാം. ഹയര്‍ ഓപ്ഷന്‍ നിലനിര്‍ത്തുന്ന പക്ഷം അടുത്ത അലോട്ട്‌മെന്റിനല്‍ അവ പരിഗണിക്കുന്നതും അലോട്ട്‌മെന്റ് ലഭിക്കുന്ന പക്ഷം അപേക്ഷകന്‍ നിര്‍ബന്ധമായും അത് സ്വീകരിക്കേണ്ടതുമാണ്. അലോട്ട്‌മെന്റ് ലഭിച്ചാല്‍ ലോവര്‍ ഓപ്ഷന്‍ ഒരു കാരണവശാലും പരിഗണിക്കില്ല.
മൂന്നാമത്തെ അലോട്ട്‌മെന്റിനു ശേഷമേ വിദ്യാര്‍ഥികള്‍ കോളജില്‍ പ്രവേശനം നേടേണ്ടതുള്ളൂ. അലോട്ട്‌മെന്റ് മെമ്മോ വെബ്‌സൈറ്റില്‍ നിന്നു ഡൗണ്‍ലോഡ് ചെയ്ത് സര്‍ട്ടിഫിക്കറ്റുകള്‍ സഹിതം അലോട്ട്‌മെന്റ്ല്‍ ലഭിച്ച കോളജില്‍ നിശ്ചിത തിയതിക്കകം ഹാജരാകണം.
സയന്‍സ് വിഷയങ്ങളുടെ അഡ്മിഷന്‍ 26, 27 തിയതികളിലും കൊമേഴ്‌സ് വിഷയങ്ങളുടേത് 28നും ആര്‍ട്‌സ്, ഭാഷാ വിഷയങ്ങളുടേത് 29, 30 തിയതികളിലും നടക്കും. ഒന്നാം സെമസ്റ്റര്‍ ക്ലാസുകള്‍ ജൂലൈ രണ്ടിന് ആരംഭിക്കും.