നെടുമ്പാശ്ശേരി: ധാര്‍മിക മത മൂല്യങ്ങള്‍ ഉയര്‍ത്തിപ്പിടിക്കുന്ന തലമുറയെ വാര്‍ത്തെടുക്കാന്‍ മദ്‌റസകള്‍ അനിവാര്യമാണെന്ന് അന്‍വര്‍ സാദത്ത് എം.എല്‍.എ പറഞ്ഞു.
സമസ്ത കേരള മദ്‌റസ മാനേജ്‌മെന്റ്‌റ് അസോസിയേഷന്‍ ജില്ലാ കമ്മിറ്റി സംഘടിപ്പിച്ച ജില്ലാതല പ്രചരണ ക്യാംപയിന്‍ ഉല്‍ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
മദ്‌റസ പ്രസ്ഥാനത്തെ പ്രോത്സാഹിപ്പിക്കാനും നിലനിര്‍ത്താനുമാണ് സമൂഹം ശ്രമിക്കേണ്ടത്.
മതത്തെ ശരിയായ രീതിയില്‍ മനസ്സിലാക്കാന്‍ സംവിധാനം ഇല്ലാതെ വരുമ്പോഴാണ് മറ്റ് മേഖലകള്‍ തേടി വഴിതെറ്റി പോകുന്നതെന്ന്! അദ്ദേഹം ഓര്‍മ്മിപ്പിച്ചു. സമസ്ത കേരള മദ്‌റസമാനേജ്‌മെന്റ്‌റ് അസോസിയേഷന്‍ ജില്ലാ പ്രസിഡന്റ് ടി.എ ബഷീര്‍,സംസ്ഥാന ന്യൂനപക്ഷ കമ്മീഷന്‍ ചെയര്‍മാന്‍ റിട്ട.ജസ്റ്റീസ് പി.കെ.ഹനീഫ മുഖ്യാഥിതിയായിരുന്നു.
സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ സെക്രട്ടറി അബ്ദുസമദ് ദാരിമി,എസ്.കെ.എം.എം.എ ജില്ലാ സെക്രട്ടറി സി.കെ.സിയാദ് ചെമ്പറക്കി,എസ്.ഹംസ,എം.എ.സുധീര്‍,ബഷീര്‍ അന്‍വരി,കെ.എ.ബഷീര്‍ തുടങ്ങിയവര്‍ സംസാരിച്ചു.