മീററ്റ്: ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ കോണ്‍ഗ്രസിനെ പ്രിയങ്കാഗാന്ധി നയിക്കും. തെരഞ്ഞെടുപ്പിന് മുന്നോടിയായി സംസ്ഥാനത്ത് നടക്കുന്ന 150ഓളം റാലികളില്‍ പ്രിയങ്ക പങ്കെടുക്കുമെന്ന് പാര്‍ട്ടി വക്താവ് സത്യദേവ് ത്രിപാഠിയെ ഉദ്ധരിച്ച് ദേശീയ മാധ്യമം റിപ്പോര്‍ട്ട് ചെയ്തു. അടുത്ത വര്‍ഷം നടക്കാനിരിക്കുന്ന നിയമസഭാ തെരഞ്ഞെടുപ്പ് പ്രചാരണത്തിന് ആരാവും നേതൃത്വം നല്‍കുകയെന്നതിനെക്കുറിച്ച് ചര്‍ച്ചകള്‍ നടന്നുവരുന്നതിനിടെയാണ് വാര്‍ത്ത.കഴിഞ്ഞ ലോക്‌സഭ തെരഞ്ഞെടുപ്പില്‍ അമേഠി, റായ്ബറേലി മണ്ഡലങ്ങളില്‍ പ്രിയങ്കാഗാന്ധി പ്രചാരണം നടത്തിയിരുന്നു. നിയമസഭാ തെരഞ്ഞെടുപ്പില്‍ സംസ്ഥാന വ്യാപകമായി അവര്‍ പ്രചാരണം നടത്തുമെന്ന് സംസ്ഥാന നേതൃത്വം വ്യക്തമാക്കിയിട്ടുണ്ട്.