കാക്കനാട്: മനുഷ്യനെ അടിമുടി പരിവര്‍ത്തിപ്പിച്ച് ഒരു പുതിയ മനുഷ്യനാക്കി തീക്കലാണ് വ്രതാനുഷ്ടാനത്തിലൂടെ അള്ളാഹു ലക്ഷ്യമാക്കുന്നതെന്ന് എസ്.വൈ.എസ് എറണാകുളം ജില്ലാ പ്രസിഡന്റ് എന്‍.കെ മുഹമ്മദ് ഫൈസി. എസ്.വൈ.എസ് തൃക്കാക്കര മണ്ഡലം കമ്മറ്റി സംഘടിപ്പിച്ച റമദാന്‍ സന്ദേശ റിലീഫ് വിതരണത്തില്‍ സംസാരിക്കുകയായിരുന്നു അദ്ദേഹം.
തൃക്കാക്കര ദാറുസ്സലാം മദ്രസയില്‍ നടന്ന ചടങ്ങില്‍ മണ്ഡലം പ്രസിഡന്റ് എ.എം അബുബക്കര്‍ ഫൈസി അദ്യക്ഷനായി. തൃക്കാക്കര ജമാഅത്ത് ഖത്വീബ് അബ്ദുള്‍ ലത്തീഫ് വാഫി ഉദ്ഘാടനം നിര്‍വഹിച്ചു.
എസ്.വൈ.എസ് ജില്ലാ ജനറല്‍ സെക്രട്ടറി സി.എം അബ്ദുള്‍ റഹ്മാന്‍കുട്ടി റിളീഫ് വിതരണം ഉദ്ഘാടനം ചെയ്തു. ജനറല്‍ സെക്രട്ടറി എ.എ ഇബ്രാഹിംകുട്ടി, ഹസന്‍ കാമില്‍ സഖാഫി, തൃക്കാക്കര റെയിഞ്ച് സെക്രട്ടറി കെ.എം യൂസഫ് മാസ്റ്റര്‍, മദ്രസ മാനേജ്‌മെന്റ് പ്രസിഡന്റ് അബ്ദുള്‍ റഹ്മാന്‍, ട്രഷറര്‍ കെ.കെ അലി എന്നിവര്‍ സംസാരിച്ചു.