കോട്ടയം: കെ.എം മാണിയുടെ യു.ഡി.എഫ് പ്രവേശം എല്‍.ഡി.എഫിനെ ബാധിക്കില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. മാണിയെപ്പോലുള്ളവരുടെ പിന്തുണയല്ല, ജനപിന്തുണയാണ് എല്‍.ഡി.എഫിന്റെ ശക്തിയെന്നും അദ്ദേഹം ചൂണ്ടിക്കാട്ടി. കോട്ടയത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
കെ.എം മാണിയുടെയും പാര്‍ട്ടിയുടെയും ശക്തി ചെങ്ങന്നൂര്‍ തെരഞ്ഞെടുപ്പില്‍ വ്യക്തമായിരുന്നു. ആനയിറങ്ങുന്നതുപോലെയാകുമെന്നായിരുന്നു വാദം. അത് എങ്ങനെയായിരുന്നുവെന്ന് എല്ലാവരും കണ്ടതാണെന്നും അദ്ദേഹം ചൂണ്ടിക്കാട്ടി.
മാണിയെ മുന്നണിയില്‍ കൊണ്ടുവരണമെന്ന് ആഗ്രഹിച്ചവരുണ്ടാകാം. എന്നാല്‍ അക്കാര്യം എല്‍.ഡി.എഫില്‍ ചര്‍ച്ച ചെയ്തിട്ടില്ലെന്നും അദ്ദേഹം പറഞ്ഞു.