ന്യൂഡല്‍ഹി: കാണുന്നിടത്തെല്ലാം ചുമ്മാ തുപ്പി വെക്കുന്ന ശീലമുണ്ടാവും ചിലര്‍ക്ക്. അത്തരക്കാര്‍ കരുതിക്കോളൂ. പണി കിട്ടും. പൊതു ഇടങ്ങളില്‍ തുപ്പുന്നവരില്‍ നിന്ന് പിഴ ഈടാക്കുമെന്ന് കേന്ദ്ര സര്‍ക്കാര്‍ മാര്‍ഗ നിര്‍ദ്ദേശമിറക്കി. കൊവിഡ് വ്യാപനം തടയുന്നതിന്റെ ഭാഗമായാണ് നടപടി.

നേരത്തെ, സിഗരറ്റ് അല്ലാത്ത പുകയില ഉത്പന്നങ്ങള്‍ ഉപയോഗിക്കുന്നതും പൊതു ഇടങ്ങളില്‍ തുപ്പുന്നതും നിരോധിക്കാന്‍ സംസ്ഥാന സര്‍ക്കാരുകള്‍ക്ക് കേന്ദ്ര സര്‍ക്കാര്‍ നിര്‍ദേശം നല്‍കിയിരുന്നു.

രാജ്യമൊട്ടാകെ മാസ്‌ക് ധരിക്കുന്നത് നിര്‍ബന്ധമാക്കിയിട്ടുണ്ട്.

ഈ കാര്യങ്ങള്‍ ശ്രദ്ധിക്കൂ
1ജോലിസ്ഥലത്തും പൊതു ഇടങ്ങളിലും മാസ്‌ക്ക് ധരിക്കൂ.
2പൊതുസ്ഥലങ്ങളില്‍ തുപ്പുന്നവരില്‍ നിന്ന് പിഴ ഈടാക്കും.
3സിഗരറ്റ് അല്ലാത്ത പുകയില ഉത്പന്നങ്ങള്‍ ഉപയോഗിക്കുന്നതും മദ്യവും നിരോധിച്ചു

4അനുവദിച്ച പൊതുഇടങ്ങളില്‍ അഞ്ചില്‍ കൂടുതല്‍ ആളുകള്‍ കൂടരുത്.
5വര്‍ക്ക് അറ്റ് ഹോം പ്രോത്സാഹിപ്പിക്കുക
6ആരോഗ്യസേതു ആപ് ഡൗണ്‍ലോഡ് ചെയ്യുക
7ഷിഫ്റ്റുകള്‍ക്കിടയില്‍ ജോലി സ്ഥലങ്ങള്‍ സാനിറ്റൈസ് ചെയ്യുക
8വലിയ മീറ്റിങ്ങുകള്‍ പാടില്ല
9കഴിയുന്നതും ലിഫ്റ്റ് ഒഴിവാക്കുക