പെരിന്തല്‍മണ്ണ: വിശുദ്ധമായ വ്രതത്തിന്റെ രാപ്പകലുകളില്‍ നാടിനും സമൂഹത്തിനും വേണ്ടി പ്രാര്‍ഥിക്കണമെന്ന് സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍. 'ആസക്തിക്കെതിരെ ആത്മ സമരം' എന്ന പ്രമേയത്തില്‍ എസ്.വൈ.എസ് പെരിന്തല്‍മണ്ണ മണ്ഡലം കമ്മിറ്റി സംഘടിപ്പിക്കുന്ന ത്രിദിന മതപ്രഭാഷണ പരമ്പരയുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.
പ്രസിഡന്റ് നാലകത്ത് അബ്ദുല്ല ഫൈസി വെട്ടത്തൂര്‍ അധ്യക്ഷനായി. ഫരീദ് റഹ്മാനി കാളികാവ് മുഖ്യപ്രഭാഷണം നടത്തി. രണ്ടാം ദിവസമായ ഇന്ന് സമസ്ത ജില്ലാ ജന.സെക്രട്ടറി പി. കുഞ്ഞാണി മുസ്‌ലിയാര്‍ ഉദ്ഘാടനം ചെയ്യും.
സ്വാലിഹ് ഹുദവി തൂത പ്രഭാഷണം നടത്തും. നാളെ മജ്‌ലിസുന്നൂര്‍ വാര്‍ഷികവും പ്രാര്‍ഥനാ സദസും പാണക്കാട് സയ്യിദ് ഹാശിറലി തങ്ങള്‍ ഉദ്ഘാടനം ചെയ്യും. സയ്യിദ് കെ.കെ.സി.എം തങ്ങള്‍ വഴിപ്പാറ, ആനമങ്ങാട് മുഹമ്മദ്കുട്ടി ഫൈസി, ബഷീര്‍ ഫൈസി ദേശമംഗലം പങ്കെടുക്കും. ഏലംകുളം ബാപ്പുമുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.