മംഗളൂരു: വിദ്യാര്‍ഥിയെ സഹപാഠിയുടെ സുഹൃത്തുക്കള്‍ മര്‍ദിച്ചതായി പരാതി. നാട്ടക്കല്‍ സ്‌കൂളിലെ വിദ്യാര്‍ഥി സഖ്ലൈന്‍ (16) ആണ് ആക്രമണത്തിന് ഇരയായത്. കഴിഞ്ഞ ദിവസം വൈകുന്നേരത്തോടെ പള്ളിയിലേക്കു പോവുകയായിരുന്ന സഖ്ലൈനെ മൂന്നംഗ സംഘം ആക്രമിച്ചു പരുക്കേല്‍പ്പിച്ചുവെന്നാണ് പരാതി. വിവരം അറിഞ്ഞ് പൊലിസ് സ്ഥലത്തെത്തി വിദ്യാര്‍ഥിയെ ആശുപത്രിയില്‍ പ്രവേശിപ്പിക്കുകയും സംഭവത്തില്‍ കേസെടുക്കുകയും ചെയ്തു.
കാസര്‍കോട് രജിസ്ട്രേഷനുള്ള ഒരു കാര്‍ പൊലിസ് സംഭവ സ്ഥലത്തുനിന്നു കസ്റ്റഡിയില്‍ എടുത്തു. പ്രതികള്‍ മഞ്ചേശ്വരം ഭാഗത്തുള്ളവരാണെന്ന നിഗമനത്തിലാണ് പൊലിസ്.
ഇവര്‍ക്കു വേണ്ടി പൊലിസ് തെരച്ചില്‍ നടത്തി വരുന്നു.