റിയാദ്: സഊദിയിൽ സന്ദർശക വിസയിലെത്തിയ വണ്ടൂർ സ്വദേശി ജിദ്ദയിൽ മരിച്ചു. മലപ്പുറം വണ്ടൂർ അങ്കപൊയിൽ സ്വദേശി മഠത്തിൽ അബ്ദുള്ളകുട്ടിയാണ് മരിച്ചത്. ഭാര്യ പാത്തുമ്മക്കുട്ടിയോടൊപ്പം ജിദ്ദയിലുള്ള മകന്‍റെ കൂടെ താമസിക്കുന്നതിനായി വിസിറ്റിങ് വിസയിൽ എത്തിയതായിരുന്നു. വണ്ടൂർ വില്ലേജ് ഓഫിസറായി വിരമിച്ചയാളാണ്. നടപടിക്രമങ്ങൾ പൂർത്തിയാക്കി ജിദ്ദയിൽ ഖബറടക്കുമെന്ന് ബന്ധപ്പെട്ടവർ അറിയിച്ചു.

      മക്കൾ: ഫിറോസ് ഖാൻ (ജിദ്ദ), ഫൈസൽ ബാബു (ജുബൈൽ), ഫസ്ല മോൾ, ഫെബിന. മരുമക്കൾ: വീരാൻകുട്ടി, റഫീഖ് ബാബു (ഖത്തർ).