ആലപ്പുഴ: യൂത്ത് കോണ്‍ഗ്രസ് മണ്ഡലം സെക്രട്ടറി സുഹൈല്‍ ഹസനെ വെട്ടിപ്പരുക്കേല്‍പ്പിച്ച സംഭവത്തില്‍ പ്രതിഷേധവുമായെത്തിയ യൂത്ത് കോണ്‍ഗ്രസ് നേതാക്കളെ പൊലിസ് മര്‍ദിച്ചു. എസ്.പി ഓഫിസിലേക്ക് പ്രതിഷേധവുമായി എത്തിയവരെയാണ് പൊലിസ് മര്‍ദിച്ചത്. 

ജില്ല അധ്യക്ഷന്‍ ടിജിന്‍ ജോസഫ്, സംസ്ഥാന സെക്രട്ടറി എം.പി പ്രവീണ്‍, ബ്ലോക്ക് പ്രസിഡന്റ് നൂറുദ്ധീന്‍ കോയ തുടങ്ങിയവരെ അറസ്റ്റ് ചെയ്തു ജീപ്പിലേക്ക് കയറ്റുമ്പോള്‍ ഇവര്‍ പ്രതിഷേധ മുദ്രാവാക്യം മുഴക്കി. തുടര്‍ന്നാണ് പൊലിസ് ലാത്തി കൊണ്ടടിച്ചത്. പൊലിസും നേതാക്കളുമായി ബലപ്രയോഗം നടന്നു. പ്രതിഷേധിക്കുന്നവരെ അടിച്ചമര്‍ത്തികുറ്റവാളികളെ പൊലിസ് സംരക്ഷിക്കുകയാണെന്ന് ഡി.സി.സി അധ്യക്ഷന്‍ എം.ലിജു കുറ്റപ്പെടുത്തി.