ലെയോണ്‍:  43ാം വയസ്സിലും ഇന്ത്യന്‍ ടെന്നീസ് ആരാധകര്‍ക്ക് ആവേശമായി ലിയാന്‍ഡര്‍ പെയ്‌സ്.  വയസ്സിനെ വെല്ലുന്ന ചുറുചുറുക്കുമായി കളിച്ച പെയ്‌സ് മെക്‌സിക്കോയില്‍ നടന്ന ലെയോണ്‍ ചലഞ്ചര്‍ ടൂര്‍ ഡബിള്‍സില്‍ കിരീടം സ്വന്തമാക്കി. കനേഡിയന്‍ താരം ആദില്‍ ഷംമസ്ദിനൊപ്പമാണു പെയ്‌സ് കിരീടം നേടിയത്.

ഫൈനലില്‍ ബ്രസീല്‍സ്വീസ് സഖ്യത്തെ നേരിട്ടുള്ള സെറ്റുകള്‍ക്കു തകര്‍ത്താണു പെയ്‌സ് സഖ്യം കിരീടത്തില്‍ മുത്തമിട്ടത്. ഈ സീസണിലെ പെയസിന്റെ ആദ്യ കിരീടമാണിത്. കരിയറിലെ 20ാം ചലഞ്ചര്‍ കിരീടവും.  

സ്‌കോര്‍: 6-1, 6-4.