തിരുവനന്തപുരം: നെഹ്‌റു കോളജില്‍ മരിച്ച ജിഷ്ണുവിന്റെ അച്ഛനും അമ്മയും ബുധനാഴ്ച്ച മുതല്‍ ഡി.ജി.പിയുടെ ഓഫിസിന് മുന്നില്‍ നിരാഹാര സമരം തുടങ്ങും. ജിഷ്ണു മരിച്ച് 88 ദിവസമായിട്ടും പ്രതികളെ അറസ്റ്റ് ചെയ്യാത്തതില്‍ പ്രതിഷേധിച്ചാണ് സമരം. മാര്‍ച്ച് 27 ന് സമരം തുടങ്ങാനായിരുന്നു നേരത്തെ തീരുമാനിച്ചിരുന്നത് എന്നാല്‍ ഒരാഴ്ച്ചകകം പ്രതികളെ പിടികൂടുമെന്നും മറ്റ് പ്രതികളുടെ സ്വത്തുക്കള്‍ കണ്ടുകെട്ടുമെന്നും ഡി.ജി.പി ഉറപ്പ് നല്‍കിയിരുന്നു. ഇതിന്റെ അടിസ്ഥാനത്തില്‍ സമരം മാറ്റുകയായിരുന്നു.