മലപ്പുറം: മജ്‌ലിസുന്നൂര്‍ ആത്മീയ സദസിന്റെ സ്ഥാപകദിനത്തില്‍ മലപ്പുറത്തു മജ്‌ലിസുന്നൂര്‍ സംഗമം നടത്തുന്നു. സമസ്ത കേരളാ ജംഇയ്യത്തുല്‍ ഉലമയുടെ ഉപാധ്യക്ഷനും നിരവധി മഹല്ലുകളുടെ ഖാസിയുമായ പാണക്കാട് സയ്യിദ് ഹൈദരലി ശിഹാബ് തങ്ങളുടെ പ്രത്യേക അനുമതിയോടെ നടക്കുന്ന മജ്‌ലിസുന്നൂര്‍ സദസുകളുടെ പ്രഖ്യാപനം നടന്നത് ഹിജ്‌റ 1483 റജബ് ഒന്‍പതിനായിരുന്നു. തൊട്ടടുത്ത ദിവസം ജില്ലയിലെ എല്ലാ പഞ്ചായത്തുകളിലും ആത്മീയ സദസുകള്‍ ആരംഭിച്ചു. സ്ഥാപകദിനമായ റജബ് 10ന് സുബ്ഹി നിസ്‌കാരാനന്തരം മലപ്പുറം സുന്നി മഹലില്‍ ആത്മീയ സദസ് സംഘടിപ്പിക്കാന്‍ പാണക്കാട് സയ്യിദ് അബ്ബാസലി ശിഹാബ് തങ്ങളുടെ അധ്യക്ഷതയില്‍ ചേര്‍ന്ന സുന്നി യുവജന സംഘം ജില്ലാ ഭാരവാഹികളുടെ യോഗം തീരുമാനിച്ചു. ജില്ലാ പ്രവര്‍ത്തക സമിതി, മണ്ഡലം-പഞ്ചായത്ത് ഭാരവാഹികള്‍, പഞ്ചായത്ത് അമീറുമാര്‍, യൂനിറ്റ് പ്രസിഡന്റ്, സെക്രട്ടറിമാര്‍ എന്നിവര്‍ സംബന്ധിക്കുന്ന സദസ് ഏഴിനു പ്രഭാതത്തില്‍ മലപ്പുറത്ത് നടക്കും. സദസിലേക്കെത്തുന്നവര്‍ സുബ്ഹി ജമാഅത്തിനു മലപ്പുറത്തെത്തണം.
യോഗത്തില്‍ അബ്ദുസ്സമദ് പൂക്കോട്ടൂര്‍, കാടാമ്പുഴ മൂസ ഹാജി, കെ.കെ.എസ് തങ്ങള്‍ വെട്ടിച്ചിറ, പി.വി മുഹമ്മദ് മൗലവി, സി.എച്ച് ത്വയ്യിബ്  ഫൈസി, ഷാഹുല്‍ ഹമീദ് മേല്‍മുറി, സലീം എടക്കര, ഹസന്‍ സഖാഫി പൂക്കോട്ടൂര്‍, ശാഫി മാസ്റ്റര്‍ ആലത്തിയൂര്‍, ഹംസ റഹ്മാനി കൊണ്ടിപറമ്പ്, സി.എം കുട്ടി സഖാഫി, ആനമങ്ങാട് മുഹമ്മദ് കുട്ടി ഫൈസി, അബ്ദുര്‍റഹീം ചുഴലി, സി.കെ ഹിദായത്തുല്ലാഹ് സംബന്ധിച്ചു.

സുല്‍ത്താനുല്‍ ഹിന്ദ് അനുസ്മരണം

മലപ്പുറം: അജ്മീരില്‍ അന്ത്യവിശ്രമംകൊള്ളുന്ന ഖാജ മുഈനുദ്ദീന്‍ ചിശ്തി അനുസ്മരണവും പ്രാര്‍ഥനാ സദസും ഇന്നു വൈകിട്ട് അഞ്ചിന് മലപ്പുറം സുന്നി മഹലില്‍ നടക്കും. എം.കെ ആതവനാട് അനുസ്മരണ പ്രഭാഷണം നടത്തും.
സൈനുദ്ദീന്‍ ബാഖവി കിഴിശ്ശേരി, മുഹമ്മദ് റഹ്മാനി മഞ്ചേരി, അബ്ദുല്‍ ഹക്കീം വാഫി വള്ളിക്കാപ്പറ്റ, ഇല്‍യാസ് ഫൈസി പൂക്കിപ്പറമ്പ്, ഹസന്‍ ദാരിമി ആലത്തൂര്‍പടി, അന്‍വര്‍ റഹ്മാനി പെരിന്തല്‍മണ്ണ സംബന്ധിക്കും.