തൃശൂര്‍:  ഗവ. മെഡിക്കല്‍ കോളജില്‍ ജീവനക്കാരുടെ ബുദ്ധിമുട്ടുകള്‍ പരിഹരിക്കണമെന്നാവശ്യപ്പെട്ട് എന്‍.ജി.ഒ അസോസിയേഷന്‍ തൃശൂര്‍ മെഡിക്കല്‍ കോളജ് ബ്രാഞ്ചിന്റെ ആഭിമുഖ്യത്തില്‍ മാര്‍ച്ച് നടത്തി. മാസങ്ങളായി ഒഴിവുവന്നിട്ടുള്ള നഴ്‌സിങ് അസിസ്റ്റന്റ്, ഗ്രേഡ്-2, ഗ്രേഡ്-1, ക്ലീനര്‍ തസ്തികകളിലുള്ള ജീവനക്കാരുടെ പ്രൊമോഷന്‍ സമയബന്ധിതമായി നടപ്പിലാക്കുന്നില്ല,
ജീവനക്കാരുടെ ഒഴിവുള്ള തസ്തികകള്‍ എത്രയും പെട്ടെന്ന് നിയമനം നടത്തുന്നതിനുള്ള നടപടികള്‍ ആരംഭിക്കുക തുടങ്ങിയ നിരവധി ആവശ്യങ്ങള്‍ ഉന്നയിച്ചുകൊണ്ടാണ് മാര്‍ച്ച് നടത്തിയത്. എന്‍.ജി.ഒ അസോസിയേഷന്‍ സംസ്ഥാന കമ്മിറ്റി അംഗം എ.എസ് നദീറ ഉദ്ഘാടനം ചെയ്തു.