തിരുവനന്തപുരം: കള്ളുഷാപ്പുകളിലൂടെ വിദേശമദ്യം നല്‍കുമെന്ന ജി.സുധാകരന്റെ പരാമര്‍ശത്തെ തള്ളി സിപി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. കള്ളുഷാപ്പുകളിലൂടെ വിദേശമദ്യം നല്‍കുന്ന കാര്യം ആലോചിച്ചിട്ടില്ല. സ്റ്റാര്‍ ഹോട്ടല്‍ വഴി കള്ള് വിതരണം ചെയ്യുന്നത് ആലോപിക്കും. ദേശീയ, സംസ്ഥാന പാതയോരങ്ങളിലെ മദ്യശാലകള്‍ അടച്ചുപൂട്ടാനുള്ള സുപ്രിംകോടതി വിധി നടപ്പാക്കാന്‍ മൂന്നു മാസത്തെ സമയം ആവശ്യപ്പെടുമെന്നും സ്വകാര്യ ചാനലിനോട് കോടിയേരി പറഞ്ഞു.

കളളുഷാപ്പുകളിലൂടെ വിദേശമദ്യം വില്‍ക്കുന്ന കാര്യം ആലോചിക്കുന്നതായി എക്‌സൈസ് വകുപ്പിന്റെ ചുമതലയുളള മന്ത്രി ജി.സുധാകരന്‍ ഇന്നലെ പറഞ്ഞിരുന്നു. ആരാണ് പ്രശ്‌നം ഉണ്ടാക്കിയത് അവര്‍ തന്നെ പ്രശ്‌നം പരിഹരിക്കണമെന്നും മദ്യശാലകള്‍ മാറ്റണമെന്ന സുപ്രിംകോടതി വിധിക്കെതിരേ നിയമസഹായം തേടിയിട്ടുണ്ടെന്നും അദ്ദേഹം പറഞ്ഞിരുന്നു.