തൃശൂര്‍: പൂങ്കുന്നം ചെസ് ഒളിംപ്യന്‍സ് അക്കാദമി ആന്‍ഡ് ചെസ് ക്ലബ്ബ് നടത്തിയ ജില്ലാ ഓപ്പണ്‍ ചെസ് ടൂര്‍ണമെന്റില്‍ മികച്ച കളിക്കാരനുള്ള പ്രഥമ ഡോ. കെ. ഗോപിനാഥന്‍ സ്മരക എവര്‍റോളിങ് ട്രോഫി ജോയ് ലാസറിന് ലഭിച്ചു. ശക്തന്‍തമ്പുരാന്‍ കോളജില്‍ രണ്ടു ദിവസമായി നടത്തിയ ഡോ. കെ. ഗോപിനാഥന്‍ സ്മാരക ടൂര്‍ണമെന്റില്‍ ബിലോ 1400 വിഭാഗത്തില്‍ അവീര്‍ ഇ.ബി വിജയിയായി. ഷിബു എം.പി ഫസ്റ്റ് റണ്ണര്‍അപ്പും വര്‍ഗീസ് പി.ജെ സെക്കന്റ് റണ്ണര്‍അപ്പും ആയി. അണ്ടര്‍ 15 വിഭാഗത്തില്‍ ശ്രേയസ് എം.എസ് ഒന്നാം സ്ഥാനം നേടി. ദീപക് കെ.ആര്‍ രണ്ടാം സ്ഥാനവും മിഷൈല്‍ റഷീദ് മൂന്നാം സ്ഥാനവും നേടി.
സമാപന സമ്മേളനത്തില്‍ അജിത്കുമാര്‍ രാജ അധ്യക്ഷനായി. പി. ബാബു, അജിത്കുമാര്‍ രാജ സമ്മാനങ്ങള്‍ വിതരണം ചെയ്തു. പ്രൊഫ. എന്‍.ആര്‍ അനില്‍കുമാര്‍ സ്വാഗതവും കെ.കെ മണികണ്ഠന്‍ നന്ദിയും പറഞ്ഞു.