ആലത്തൂർ:ആലത്തൂരിൽ പെട്രോൾ നിറച്ച കുപ്പിക്ക് തീ കൊളുത്തി വീട്ടിലേക്ക് എറിഞ്ഞു. ആലത്തൂർ കാവശ്ശേരി കൊങ്ങാളക്കോട് പ്രദീപിൻ്റെ വീട്ടിൽ ചൊവ്വാഴ്‌ച രാത്രി പത്തേമുക്കാലോടെയായിരുന്നു സംഭവമുണ്ടായത്.

വീടിന്റെ വരാന്തയിൽ വീണ് പെട്രോൾ കത്തിയെങ്കിലും തീപടർന്നു പിടിക്കാതിരുന്നതിനാൽ അപകടമോ പരിക്കോ ഉണ്ടായില്ല.വീട്ടുടുമസ്ഥൻ പ്രദീപിൻ്റെ പരാതിയിൽ ആലത്തൂർ പെരിങ്ങാട്ടുകുന്ന് സിബിനെതിരെ (24) ആലത്തൂർ പൊലിസ് കേസെടുത്തു. ഇയാൾ കസ്റ്റഡിയിലാണ്. വ്യക്തിവിരോധത്തിൻ്റെ പേരിലാണ് യുവാവ് അതിക്രമം നടത്തിയതെന്നാണ് പ്രാഥമിക വിവരം.